રાજકોટ તારીખ ૧૯ માર્ચ- સમગ્ર વિશ્વમાં કોરોના વાયરસના કારણે ઊભી થયેલી પરિસ્થિતિને ધ્યાને લઈને, દેશ તથા રાજ્યમાં જોવા મળેલ શંકાસ્પદ દર્દીઓની સંખ્યા જોતા રાજ્યમાં અગમચેતીના પગલારૂપે રાજ્ય સરકાર દ્વારા “ધ ગુજરાત એપેડમીક રેગ્યુલેશન એક્ટ ૧૯૮૭” તેમજ ૧૩-૦૩-૨૦૨૦ના નોટિફિકેશન અન્વયે વિવિધ પગલાં તાત્કાલિક અસરથી અમલમાં મુકવામાં આવેલ છે.

કોરોના વાઇરસ COVID-19 ની ભવિષ્યની અસરોને પહોંચી વળવા તેમજ રોગ અટકાયત અને નિયંત્રણની કામગીરી કાયદાકીય રીતે ત્વરીત હાથ ધરી શકાય તે હેતુસર એપેડમિક ડિસીઝ એક્ટ ૧૮૯૭ અન્વયે આ વિભાગના ક્રમાંક એન.સી.વી-૧૦૨૦૨૦ એસ.એફ.એસ.૧ તા. ૧૩-૦૩-૨૦૨૦ના નોટીફિકેશનથી થી રાજ્યમાં “ધ ગુજરાત એપેડેમિક રેગ્યુલેશન એક્ટ ૨૦૨૦” લાગુ કરવામાં આવેલ છે. આ માટે નીચે મુજબની પગલાં તાત્કાલિક અસરથી અમલમાં મુકવામાં આવેલા છે.

રાજ્યના તમામ જિમ્નેશિયમ, વોટરપાર્ક, ઓડિટોરિયમ, એમ્યુઝમેન્ટ પાર્ક, પાર્ટી પ્લોટ, મેરેજ હોલ, લગ્ન વાડી, ગેમ ઝોન, રીક્રીએશનલ ક્લબ તાત્કાલિક અસરથી સંપૂર્ણપણે તા. ૩૧-૦૩-૨૦૨૦ સુધી બંધ રાખવાના રહેશે.

રાજ્યમાં ખાનગી પ્રેક્ટિસ કરતા તમામ મેડિકલ, હોમિયોપેથીક, આયુર્વેદિક દવાખાના, ખાનગી હોસ્પિટલોમાં કોરોના લક્ષણ ધરાવતાં કોઈ પણ શંકાસ્પદ દર્દી જણાય કે કોરોના સંબંધિત રિપોર્ટ પોઝિટિવ આવે તો રાજ્ય સરકારમાં હેલ્પલાઇન નં. ૧૦૪, મુખ્ય જિલ્લા આરોગ્ય અધિકારી (સી.ડી.એચ.ઓ), અધિક નિયામકશ્રી(જાહેર આરોગ્ય) કે નજીકની મેડિકલ હોસ્પિટલના તબીબને તેની તુર્તજ જાણ કરવાની રહેશે. ઉપરોક્ત સૂચનાઓનો તાત્કાલિક અસરથી ચુસ્તપણે અમલ કરવા જણાવવામાં આવે છે,તેમ રાજ્યના આરોગ્ય અને પરિવાર કલ્યાણ વિભાગના સંયુક્ત સચિવ શ્રી આઈ.એમ.કુરેશીની યાદીમાં જણાવાયુ છે.

LEAVE A REPLY

Please enter your comment!
Please enter your name here